خواطر اهلاوى .... 10/5

عدد المساهمات : 176 تاريخ التسجيل : 18/06/2011

خواطر اهـــــلاوى
خواطر اهلاوى .... 10/5 Tshirt

قلنا عشرميت مره ...
عيدنا وزدنا فى الحوار دا مليون مره قبل كدا
امبارح الفرقه والجهاز والنادى كووووول مجهوده كان هيروح ع الارض
بلاش شماريخ .. كفايه شماريخ ... بطلوا شماريخ ...
ومفيش فايده
صحيح ومن الحب ما قتل !!!
اصبحت ظاهره ضاره جدا جدا جدا
لاعب معوق امبارح حب يمثل ويدّعى المرض
ويموت وسنانه تسوس وحواجبه تقع ويجيله بلهارسيا !!!
عشان ايديه اتجرحت بأحدى شظايا الشماريخ دى
وعيط ونهنه وسيل وحالته بقت بالبلى الازرق طمعا فأنه يلغى المباراه
ولو كان يعرف اوغندى كان صرخ للحكم : "الحقنى يا بيه انا عندى حساسيه من الجماهير !! "
ليه نحط نفسنا فموقف زى دا
قلنا يا جماعه كفايه مسأله الشماريخ دى
الفريق كاد امبارح يخرج بسببها وهما لو بيعرفوا يمثلوا زى بتوع الترجى وشبيبه القبائل والعالم دى
كان الماتش اتلغى واتحسب لهم وصعدوا يبقى ليه وجع القلب دا ؟؟؟!!!!!!!

خواطر اهلاوى .... 10/5 Src1221817443

اصبح هجوم النادى فعلا نقطه ضعف
نسيطر ع الماتش من اوله للاخره
طول وعرض يمين وشمال اطراف وعمق
وبرضه مفيش
اسامه بيه حسنى شطب وسلم نمر من سنه 2007
جدو ياعينى محتاج حد جنبه لان مش اى مهاجم يعرف يتصرف وسط 3 او 4 مدافعين
خلاص زمن فلافيو دا انتهى
دومنيك انا مطمن لمستواه انه هيعلى وهيوصل وهيجيب
المهاره موجوده السرعه موجوده والمجهود موجود
اذن التوفيق والاهداف مسيرها جايه .. ومثال فلافيو مش بعيد
فضل بديل كويس نستخدمه ساعه الحاجه لكن ميعرفش يبقى اساسى
واخيرا .........
" ربنا يقومك بالسلامه يا عمده "

خواطر اهلاوى .... 10/5 %D9%88%D8%B2%D9%8A%D8%B1-%D8%A7%D9%84%D8%B5%D8%AD%D8%A94

خواطر اهلاوى .... 10/5 %D9%88%D8%B2%D9%8A%D8%B1-%D8%A7%D9%84%D8%B5%D8%AD%D8%A94

اصبح الفارق 4 نقاط
تفصل الاهلى عن قمه الدورى
نستطيع بسهوله التعويض بشرط عدم التفريط فأى نقاط
الزمالك سيفقد المزيد من النقاط وسنرى ..
اذن يجب علينا استغلال تعثره كما فعل هو فى الدور الاول معنا
" الله يجازيه اللى كان السبب "
وهنا وجب التنويه عن خطأ بااالغ يقع فيه لاعبينا حاليا
الاعبين حاليا بيلعبوا على مستوى المنافس
بمعنى انى بلاعب فرقه ضعيفه .. بنزل لمستواها
بلاعب فرقه رخمه بعند معاها
بلاعب فرقه قويه بعملها حساب
ودا غلط رهيب !!! فرق زى دجله والانتاج والمقاولين دول هما اللى بيوقعوا مننا نقط
وفرقه ربع لبه زى بتاعه امبارح دى كانت تشيل 5 لو الاهلى فحالته ومعاه مهاجم !!!!
وعليه مباريات الدورى الجايه كوووووولها لازملها قرصه ودن جامده اوى من جوزيه
العب بمستواك ........ مش بمستوى اللى قدامك !!

خواطر اهلاوى .... 10/5 26997-oscar_2

بصراحه
وبعد مرور ما يقرب من الـ 5 شهور على وجود الجهاز البرتغالى فى الفريق
مازلت اجهل دور محلل الاداء الارجنتينى به
مش لامس ليه اى دور او وجود
الاعيبه هيا هيا
اداءها هو هو
المنافسين هو مبيضفش عنهم حاجه او بيكشف مثلا نقطه ضعف فى فريق او شئ مشابه
هو عمال كل كام ماتش يصورنا فيديو .. يسجل تمرين مثلا او محاضره !!!!!!!
انما دوره جوه الجهاز وتأثيره ع الاعبين مش لاقيله اى تأثير او نتيجه
دوره مش واضح وتأثيره معدوم سواء مع لاعبينا او المنافسين
انا كمشجع اهلاوى
او متابع اهلاوى للاعبين عن قرب مش شايفله اى تأثير !!!
فمثلا لم الحظ اى تعديل طلبه مثلا او هدف عايز يعمله مع الاعبين
او لاحظ عجز عندنا فنطقه معينه وطلب تعديلها او او او ..
لم الحظ مثلا اى نقطه ضعف كشفهلنا فى فريق منافس .. بالعكس
دا حتى الناس المجهوله لينا بتعرفهم فى الملعب مباشره وااقربها الفريق الزامبى الاخير دا
طب يبقى ايه لازمته الاخ دا طيب ؟ ولا هيا تكلفه وخلاص ..

خواطر اهلاوى .... 10/5 Images?q=tbn:ANd9GcR-fBHt5ndSl50dye-R9gN-L_gveowwG5ulKRCvH5OeWVOv2dkYJg&t=1

خواطر اهلاوى .... 10/5 Images?q=tbn:ANd9GcR-fBHt5ndSl50dye-R9gN-L_gveowwG5ulKRCvH5OeWVOv2dkYJg&t=1

نهائى اوروبا القادم اصبح حديث الساعه
الكل الان انقسم بين انجليزى مانشستراوى واسبانى كتالونى
طبعا الكره الاوروبيه ليها طعم واثاره غير اى كره تانيه
حتى محبى كره امريكا الاتينيه مع احترامى وتقديرى ليها
فبرضه مش زى اوروبا
اتمنى تخرج مباراه مانشستر وبرشلونه بشكل جميل
دون العصبيه والتوتر اللى غلف لقاءات ريال مدريد وبرشلونه اللى فاتت
لان رغم الاثاره .. مكنش فيه كوره اد كدا
والدليل انى مازلت حتى الان بتفرج على هدف ستانكوفيتش لاعب الانتر فمرمى شالكه

YouTube Video
ERROR: If you can see this, then YouTube is down or you don't have Flash installed.

اااااه انتر خرج
ااااااه مكملش فبطوله اوروبا اللى هو حامل لقبها
انما بصراحه متعه الكوره والاهداف ليها طعم اجمل مليون مره من مجرد الفوز بالبطوله
ويمكن اهداف ممكن تكون ملهاش تأثير زى هدف انتر دا انما عملت جو وطعم للبطوله
زى هدف رونى الاخير فمرمى المان سيتى فبطوله الدورى
"الضربه الخلفيه المزدوجه"

YouTube Video
ERROR: If you can see this, then YouTube is down or you don't have Flash installed.

هدف الواحد بيستمتع بيه
لان الاهداف دى هيا اللى بتعيش والواحد بيحكى عاليها ولو بعد كااااام سنه
فبجد اتمنى المباراه تكون جميله ونستمتع بيها بعيدا عن الفائز او الخاسر

والى لقاء جديد .......... الاهلاوى

__________________

» خواطر اهلاوى .... 20/4
» خواطر رياضية ( على منتدى زعفان الاهلاوى) ...........
» التراس اهلاوى ...نفديكى يافلسطين...وعبد الحفيظ يرد بقسوة