نبذة عن الساحرالاسود ... محمد الجندي

الساحرالاسود ... محمد الجندي



كان احسن لاعب في مصر علي وجه الاطلاق
لذلك تعاقد معه نادي هازرفيلد الانجليزي ليحترف في انجلترا
و الف عنه كتاب باسم الساحرالاسود
لعب في النادي الاهلي وتالق بشده .. لدرجه ان نادي الزمالك كان يفكر بشدة في خطفه من النادي الاهلي
كان احب الاعبين لقلبه كابتن الزمالك حنفي بسطان المشهور بابو قطر نظرا لسرعته في الجري
و كان بسطان يحب الجندي بدرجه ان حنفي مات عندما سمع بوفاة الجندي وشيعت الجنازتان في وقت واحد



اغرب مقلب شربه الزمالك







بناء علي خطه مسبقه .. اتفق حنفي بسطان كابتن الزمالك مع اسماعيل بك مظهر عضو نادي الزمالك
علي قضاء اسبوعين في عزبته علي ان يغري الجندي باللعب للزمالك
و بالفعل ذهب حنفي بسطان الي محمد الجندي و قال له علي فكره الذهاب اليالعزبه لقضاء اسبوعين للراحه من وجع الدماغ بتاع موسم الانتقالات
فقال الجندي : طب حنروح ازاي من غير عزومة
قال بسطان : هو عزمني فعلا .. وانا قلت اخدك معايا علشان نسلي بعض
قال الجندي : عين العقل يا ابو قطر .. بس العزبه دي فين علشان اقول لهم في النادي الاهلي
قال بسطان : لاتقول ولا حاجه.... احنا عايزين نبعد عن الناس دي كلها .. لو قلت لواحد بس .ده حيقول لده..
و الكل يعرف و يحصلونا علي هناك وتبقي مولد
الجندي شم رائحه مقلب فقال ل حنفي : انت ناوي علي حاجه يا ابو قطر ؟
قال بسطان عيب ده عيش و ملح يا راجل
قال الجندي بس انا خايف يبقي عيش و ملح و امضاء كمان
قال بسطان متصنعا البلاهه : امضاء علي ايه يا ابو الجنود
قال الجندي : امضاء علي ورقه صفرا كده و احنا في موسم الانتقالات الان .. الاقي نفسي في الزمالك من
غير ما ادري ... ايه الحكايه ... القطر غلط في المحطه و انت اصلك ابو قطر

المهم الجندي كان نفسه يسافر العزبه و لكنه كان يخشي من مقلب
فاتصل سرا بامين شعير مدير الكره بالنادي الاهلي و اخبره انه سيسافر فجرا لعزبه اسماعيل بيه مطر في السنبلاوين
فطلب منه امين شعير ان يمثل دور العبيط لكي يضرب الزمالك مقلبا لن ينساه
و قضي الجندي اسبوعا خرافيا في العزبه
ثم بد ا اسبوع الانتقالات .. فقام امين شعير ( مدير الكرة ) و عبده البقال ( اداري الفريق) بتفيذالخطه
ذهب شخص يشبه محمد الجندي في شكله و طوله و طريقه كلامه و هو اخوه صلاح الجندي
ذهب الي نادي الزمالك و طلب ان يوقع الي نادي الزمالك امام مندوب الاتحاد و طبعا التوقيع سيكون باطل لانه ليس الجندي الاصلي .. و لكن الجميع في الزمالك فرحوا و قادوا صلاح الجندي الي محمد حسن حلمي ( سكرتير نادي الزمالك ) فخاف صلاح الجندي ان يكشفه حلمي
و لكن حلمي ظن انه محمد الجندي بسبب الشبه الكبير بينهم







فساله : امال فين ابو قطر
فقال صلاح : جاي ورايا
قال محمد حسن حلمي : انتوا وصلتم امتي ؟
قال صلاح : من ساعة واحدة
فساله حلمي : و ابو قطر راح فين
قال صلاح يمكن مشوار ....... معرفشي
فشك فيه حلمي فقالله انت معاك تحقيق شخصيه
فقال صلاح لا انا نسيته في البيت في العباسيه .. نصف ساعه و ارجع بيه حالا


و خرج صلاح من نادي الزمالك و اتصل بامين شعير و قاله : الخطه اتكشفت العب غيرها

فاتفق امين شعير مع صلاح الجندي ان يذهب غدا الي الزمالك و ينتظر مكالمه من حنفي بسطان
وتخفي عبده البقال و امين شعير في ملابس الفلاحين و تسللا الي العزبه .. و تم توقيع محمد الجندي علي الاوراق و اخذ بطاقته الشخصيه
وفي القهوه في عزبه اسماعيل بك اعترف الجندي بالامضاء للنادي الاهلي
و كاد يغمي علي حنفي بسطان الذي اتصل تليفونيا بحلمي
و كان صلاح (حسب الخطه) بجواره في نادي الزمالك ينتظر المكالمه
__________________
حنفي : الو الو
حلمي ايوه حنفي انت بتتكلم منين
حنفي : من عزبه اسماعيل بيه
حلمي : عزبه ايه يا جدع انت مش رجعت امبارح مع الجندي
حنفي : الجندي جنبي اهه
حلمي : اذا كان الجندي جنبي انا اهه
حنفي : انت ناوي عالي جناني .. مش كفايه اللي حصل
حلمي: حصل ايه
حنفي : عبده البقال و امين شعير حصلوا علي توقيع الجندي للنادي الاهلي
حلمي: امال مين اللي جنبي و قرفني من امبارح .. انت مين يابني ؟
صلاح : انا محمد الجندي
حلمي : انتوا ناوين علي جناني
صلاح الجندي : و الله العظيم انا الجندي .. و محمد الجندي كمان
حلمي : وريني بطاقتك يا بني
صلاح : بطاقتي اهه .. الاسم محمد صلاح الجندي
اللي انتوا عايزيه اسمه محمد محمد الجندي .. مافرقتش كتير
حلمي : لا فرقت محمد الجندي بيلعب كوره
صلاح : و انا بالعب باعصابكم

نهايه الاسطوره........

احب الجندي فتاه من الاسكندريه . كان الجندي يسافر لها كثيرا ال ان التحق بالكليه البحريه التجاريه بالاسكندريه من اجلها
و لعب للنادي الاوليمبي بالاسكندريه
و بدات اسهم الاسطوره في الهبوط