(3) ~~~~ مــــــاذا لــــو كان >> استمر حسام حسن في اللعب مع الاهلى حتى الان ~~~~~~~ ( 1 2 3)

بسم اللة الرحمن الرحيم

مـــــــــــــاذا لــــــو !!!

امبارح وانا قاعد كده جالي فكره موضوع كوميديه بعض الشئ
المهم البرنامج عباره عن التخيل
يعني ماذا لو حصل شئ وايه اللي هيترتب علي حصول ذلك الشئ


مثال
ماذا لو جوزيه مجاش درب الاهلي في 2001
ايه اللي كان هيحصل طوال الفتره الحاليه
او
ماذا لو الاهلي مخادش تالت العالم للانديه
.
1- مـــــــــــــاذا لــــــو !!!


ماذا لو مضي شيكابلا للاهلي
من اكتر من كام سنه




وقتها الاهلي هيكون مكتمل الصفوف من كل جانب

بركات هيلعب علي الشمال وتريكه في النص وشيكابالا علي اليمين

هيبقي عندنا مربع الرعب باضافه متعب للهجوم

للاسف ساعتها الزمالك هيحاول يجاهد علي المركز الثاني

دول اللي في دماغي حاليا في حد عنده المزيد
انا شايف ان شيكابالا لو كان وقع للاهلى

كانت هتحصل مشاكل فى الفريق كبيره جدا study:
وكان جوزيه هيستغنى عنه بعد 6 شهور

لاسباب كتير منها انه لعبه فردى من الدرجه الاولى
ثانيا عصبى ومتقلب المزاج وصعب المراس جدا



لاعب لا احبه
ولا احب لعبه
مهما حاول البعض التغزل فيه
كنوع من الرياء والمجامله للزمالك



بعيدا حتى عن التعصب
عشان الناس متخشش تقول انت متعصب
حازم امام الكبير
مهارى ولاعب احبه واحترمه
عبد الواحد حارس كبير احبه واحترمه
عمرو ذكى مهاجم كبير احبه واحترمه


انما سى بتاع دا
لاعب لا احبه ولا احترمه !!!!!!!
ان شالله لو عمل ايه ........
وعليه لا يشرف الاهلى ضم لاعب مثله اساسا !!!!!!!!
وعلى رأى احمد
مكنش هيكمل موسم وهيتنش بره

__________________
من رأيي ان

شيكابالا لاعب مهاري وادائه رائع
لكن الاخلاق مش موجودة ولو 1 % !
والاهلي لا يشرفه ان يكون به لاعب بهذه الاخلاق !
حازم امام وعبد الواحد السيد اداء واخلاق مافيش بعد كده
لذلك كل الناس بتحبهم مش موضوع اهلي وزمالك موضوع الاخلاق اولآ ثم الاداء

.............................................
سبب نجاح الاهلى وانتصارته وبطولاته
هى روح الجماعه اللى عند الجميع
فى الملعب وخارج الملعب
شيكا لاعب جامد بس كلها مهارات فرديه
يعنى هيبقى أنانى جدااا داخل الملعب
وده اللى مش كان هيرضى بيه حد داخل النادى
علشان كده لو تخيلنا انه كان مضى للاهلى مش كان هيكمل الموسم
واصلا طول الموسم هيأخده ايقافات

بجد فكرة الموضوع جميله يا عم

............................................
لو كان شيكابالا مضي للاهلي

كنت اتوقع نجاح كبيــر ليــه مع الاهلي
وايضا مشارك بصفة اساسية في كل مباريات المنتخب
ويكون ليه دور كمان في البطولات اللي أخدها المنتخب

غير كده وكده كان هيبقي الاعب ملتزم اكتر من كده
..............................................
2- مـــــــــــــاذا لــــــو !!!


ماذا لو مضي ابو تريكه للزمالك
من اكتر من كام سنهكان زمان الزمالك خد تالت العالم
واصبح صاحب الرقم القياسى فى بطولات افريقيا ب 6 بطولات
والاهلى كان هيبقى عنده خمسه .. لان تريكه لوحده جايب بطوله الصفاقصى
وكنت هتلاقى دلوقتى عاملين مأويه .. لان الفريق كان هيبقى فيع فلوس
وكنت هتلاقى الزمالك عنده 13 دورى بدل 11 والاهلى 33 بدل من 35
,, ورغم رفضى القاطع لان لاعب ممكن يأثر على فريق كامل
ولكن الرد ده مش مع ابوتريكه والاهلاويه صح هيفهموا
كان الاهلي هيجيب احمد عيد عبد الملك او عمر جمال
مكنش الاهلي علي الاقل هياخد بطوله الصفاقس
مكنش الاهلي هياخد كاس مصر مباره 4/3
مكنش تريكه هيخش نادي هدافين القمه
كان تريكه هيروح الاتحاد او المصري بعد تجربه غير ناجحه لمده سنتين بالزمالك

كنا علي الاقل شوفنا الزمالك خد بطولة
كان هيعمل اللي عمله حسام حسن مع الزمالك عندما انتقل من الاهلي للزمالك

بس مكانش هيبقي بنفس الشهرة العالمية اللي خدها تريكة