مقتطفات رياضيه

ادخل فى موضوعى بعد مقدمتى و اليكم مقتطفاتى من هنا وهناك

1- مبروك كابتن مصطفى فهمى بحصوله على منصب المدير العام للمسابقات بالفيفا و السكريتير العام الاسبق للكاف ولكن ارجو من الله ان لا يسير على مسار اخرين كانوا ولازالوا شكرتير عام اللجنة التنفيذيه بالاتحاد الدولى ووجوده مثل عدمه

وان يكون وجوده فى مركزه بان يزيد من علاقاته مع الفيفا من اجل حماية حقوقنا فى العالم الخارجى

يكون لينا اعضاء و اشخاص حساسين فى اماكنهم مش خيال مأته

وحسبى الله ونعم الوكيل فى من ظلمونا

2- بعد ان فتح اتحاد الكره النار على نفسه بفتح موضوع التحقيقات فى قضيه محمد ناجى جدو " ولا تنابزوا بالالقاب وحسبى الله ونعم الوكيل فيهم "
شاهدت وتابعت مثلما تابع العديد القضيه وقد ظهرت نغمه عجيبه تنادى بالايقاف و التغريم المالى على اللاعب وتوقيع اقصى عقوبه على الاعب هداف افريقيا ومصدر السعاده الحقيقى على هذه البلد وهى الاعدام بمجرد ان ميوله ان يلعب لنادى وان لا يلعب لاخر مع رفضى التام لنغمه ان الفلوس هى مصدرة الاول والاخير وهو ما اعتدنا عليه من اخرين , يهوون الكذب وتصديق كذبهم

الكل بيقول الاحتراف وما يحدث على الساحه لا علاقه له بالاحتراف سواء كان من الاهلى او من الفرق الاخرى او من اتحاد كوسه وليست كوره

فلم اسمع فى حياتى ان تنازع الريال و برشلونه على لاعب فى المغالاه عليه ماديا بالرغم من قدرة الانديه على دفع مبالغ لا حصر لها من الاصفار و بالرغم عن العداوه الغريبه بين الناديين

او مانشستر والارسنال و تشيلسى وغيره وغيرهم

اما عن اللوائح التى يتشدق بها اخرون من اجل تطبيقها فدعونى اقولها صراحه بان تطبيق هذه اللوائح ستكون وبالا على رؤوسكم ان طبقت بدون تحريف او كوسه مثلما تدعون

فاللائحه تنص على عقوبه مزدوجه


بتغريم الاعب و ايقافه لفتره من 3 شهور الى سنه , او شطبه

وان ثبت توقيع النادى للاعب قبل الفتره القانوينه للتعاقدات "وهو ما حدث" , فانه يتم تغريم النادى وبايقاف التعاقدات الخارجيه لفتره معينه , مع تهديده بايقاف النشاط الرياضى الخاص باللعبه , وهو ما حدث مع سيون السويسرى

يعنى حق ربنا و عدل ربنا

ان يتم ايقاف جدو وتغريمه اى كانت الغرامه و اى كانت المده " مع عدم احترامى بالمره على الارقام الفلكيه التهكميه و الفترات الهلاميه"

وان يتم تغريم نادى الزمالك لتوقيع عقود مع الاعب قبل فترة التعاقدات , ايقاف تعاقداته الخارجيه لفتره 6 شهور الى سنتين , مع التهديد بايقاف نشاط الكره

يبقى اللى بيته من ازاز مايحدفش طوب

ولن اخفى اعجابى و تقديرى الشديدين لنادى القيم والمبادىء النادى الاهلى بتصريحه بانه سيرفع الملف كاملا للفيفا فى حالة توقيع عقوبه الايقاف على الاعب او غرامه غير مقبوله عليه
والفيفا يشوف شغله مش كده كده هيتوقف

يبقى هو يتوقف وغيره يتلغى نشاط الكوره عنده , اياك يشطبوه ونرتاح"أكيد مش جدو"


3- احسب انه وجب على الاعلام بتعديل مباراة القمه بان تكون هى مباراتى الاهلى و الاسماعيلى & والاهلى و الحرس

حقيقى لا استمتع بكره الا من هؤلاء الفرسان الثلاثه فرسان الكره المصريه الحقيقيين

اقطاب الكره المصريه الحقيقيين

ما شاهدته فى نهائى الكأس وفوز طارق العشرى ابن الاهلى البار و عاشقه المحترم
وما شاهدته فى مباراة السوبر من اداء تكتيكى على اعلى مستوى
وما استمتع به من مباراة تعتبر هى الاجدر منذ سنين بان تكون هى مباراة القمه الحقيقيه بين الاهلى والاسماعيلى لما بها من اثاره و شغف وجمال ومتعه فى فنون الكره

فحق على الاعلام ان يعدلو مثار جملة مباراة قمة الى هؤلاء فهم اولى , ولا تبخسوا الناس اشيائهم

4- فاز الحرس بمدربه الاهلاوى القدير طارق العشرى " ابن جوزيه" بكاس مصر و فاز الاهلى بمدربه الاهلاوى القدير حسام البدرى "زراع جوزيه الايمن " بالدورى المصرى فى مباراة نهائى الكاس بين تلامذة الساحر جوزيه

وتقابل العملاقان فى نهائى كأس السوبر , وفاز فى هذه المره زراع جوزيه الايمن على ابنه

اهلاوى واهلاوى بيقابلوا بعض يفوز اللى يفوز احنا ايه يزعلنا

المهم غيرنا يهدى ومايزعلش اخويا راضى وانا راضى مالك انت ومالنا يا فاضى

مبروك من كل قلبى لطارق العشرى على المستوى التدريبى الفوق هايل اللى وصل به مع فريق حرس الحدود , من سيطره على لاعبين واداء خططى وتكتيكى رهيب , مع استعجابى عن عدم منافسته ونتائجه الغريبه فى الدورى امام فرق عجيبه ويارب يبقى منافس حقيقى للاهلى و الاسماعيلى فهو اولى من غيره

ومليون مبروك طبعا لزراع جوزيه اليمين وابن الاهلى البار حسام البدرى على بطولة السوبر علشان فعلا منظره كان هيبقى بايخ قدام طارق العشرى

واحد حضر تدريبات شهر وبقى بالشكل ده , وواحد بقاله خمس سنين , ومش هحسبله السنه بتاعة ال 6-1 , وكل لما يقابله يكسبه

يبقى عيبه فى حقه وكان منظره هيبقى وحش اوى اوى اوى