عاشق الجنة
عدد المساهمات : 166
تاريخ التسجيل : 18/06/2011
 |  موضوع: حسبى الله ونعم الوكيل  الثلاثاء يونيو 21, 2011 6:35 am | |
| حسبى الله ونعم الوكيل فى كل اعلامى هاجمه
حسبى الله ونعم الوكيل فى كل حاقد طفشه
حسبى الله ونعم الوكيل فى كل من قللوا من قيمته او اهانوه او صغروه او جعلوا منه هامش مهمش
حسبى الله ونعم الوكيل فى من طفشوه بهجومهم الحاد اللى فاق كل الوصف
حسبى الله ونعم الوكيل
نعم فانا اتحدث عن الساحر " مانويل جوزيه "
جنرال الكره المصريه نعم جنرال اكره المصريه ومهندسها الجديد
صمم كره غير التى كنا نعلمها , قربنا و قرب المسافات بيننا وبين الاخر
اظهر العديد من المهام للعديد من المراكز
مهام الليبرو
زمان
كان كل مهمة الليبرو التغطية خلف المساكين و التطفيش على راى كابتن حماده امام مبدأ السلامه
الان مهمة الليبرو اصبح نوعين
ليبرو متأخر و يلم ورا المساكين , مع اضافة بناء الهجمات من عنده , مثل ما كان يفعل النحاس
ليبرو متقدم و هو يقوم بمهام نصف الملعب , بالتغطيه خلف نصف الملعب و محاولة تعثير وصول الكره الى المهاجمين بدرى بدرى بالاضافه الى بناء الهجمه من عنده
بناء الهجمه من ادخلها جوزيه مع عدم انكارى للفتره التى كانت تبدأ الهجمه من ابراهيم سعيد وقت تسوبيل , وابراهيم كان مساك , ولكن ان يصبح تكتيك الساحر هو تكتيك المنتخب فينسب الفضل له
مهام المساكين
زمان
المساك كان بينزل مقيد باسم معين هو مسؤليته يا وائل انت معاك عمرو زكى , عمرو يروح يمين وائل معاه عمرو يروح شمال وائل معاه
المساك شغلته الشاغل الفرود اللى معاه ومالوش دعوه باى حاجه تانى
وقت الساحر
اقرب مساك بيمسك الفرود اللى يقرب منه , يعنى عمرو جهة احمد السيد يمسكه احمد السيد , عمرو جهة وائل يمسكه وائل ,
لو عمرو بيتحرك كتير ناحية احمد السيد , الله يمسيه بالخير كان يبدل مكان السيد بوائل علشان الاتقن يقدر يسد , بس مفيش موضوع اسمه عمرو بتاع وائل , الاقرب يسد
بالاضافه الى ذلك
المساكين دورهم التغطيه خلف الجناحين الايمن للايمن و الايسر للايسر و الليبرو يستلم الفرود المتروك , ولو الطريقه 4-4-2 , المساك التانى ينصب الاوفسايد , ويمسك المتروك
وهو دور لم يكن له اى وجود الا فى ظهور الساحر
الجناحين
زمان كان الجناحين عباره عن قسمين ,
قسم اسمه الباك , وقسم اسمه الجناح
الباك اخره خط النص , والجناح بعد خط النص , واحد بيهاجم وواحد بيدافع
اصبح لفظ جناح يطلق على لاعب واحد يهاجم و يدافع و خط النصف و المساكين الاقرب يغطى خلفه او يسنده
وهو دور بركات تجاه اليمين الذى انا شخصيا اعترضت مع جوزيه بان يكلف الخط الايمن باكمله لبركات , وهو ما استفاد منه المعلم مع المنتخب عام 2006 و استمرت الطريقه الى ما لا نهايه
ودور جلبرتو و بدايته كانت مباراة ال 6-1 و التجربه كلفتنا الهدف اللى منى مرمى الاهلى بيه بسبب عدم قدرة جلبرتو على العمل على نفس الخط حتى تعلم كيفية تادية مهامه بعد عامين كاملين بين جوزيه و بونفرير
خط الوسط
اغلب طرق لعبنا كانت 3-5-2
واحد هاف دفندر , وونجين يمين وشمال ,
مع الجنرال اصبح هناك هافين وتلاته واحد بيلم خلف الفراوده وواحد بيلم خلف اللى بيلم خلف الفراوده " اتجنن ده ولا ايه " lol
و التالت وقت الزنقه يعنى لو اتزنقنا فى بديل لشوقى نفكه بشهاب و عاشور , انما شوقى موجود يغنى
مهمة البلاى ميكر
وهى وصفة قديما مكنتش موجوده 3-5-2 , فرودين صراح بما فيهم حازم امام اشهر بلاى ميكر فى تاريخ مصر
ووقت الجوهرى كان حازم و حسام وكان عبد الستار صبرى جناح حسب طريقة اللعب , ياسر رضوان كان وحيدا ناحية اليمين .
ظهرت البلاى ميكر مع وجود الساحر
موسمه الاول كان 2 بلاى ميكر خلف راس حربه واحد "وده له دوره"
او بلاى ميكر خلف 2 راس حربه
المهاجم
زمان كان كل دوره احراز الاهداف ومنطقة الصندوق وبس
وقت الساحر لازلت اتذكر لك يا ساحر اول مباراه له مع ريال مدريد ودور علاء ابراهيم مهاجم وحيد
ان يلعب الكره لخط النصف من الخلف , بالاضافه الى احراز الاهداف , بالاضافه الى تشتيت خط الباكات بكثرة التحركات , وتعليم الفرود كيف يتحرك , وهو ما اظهر فكرة المهاجم التكتيكى للمتعب متعب
كل ده عملوا الساحر فى الكره المصريه , وكان اخرته ايه
غير ملامح الكوره , وضعنا على العالميه , تعاملنا مع كل الطرق , وحسن شحاته نفسه ان قال الصراحه استفاد من الساحر فى الاهلى , ويكفينا شهادة طارق العشرى له مدرب الحرس القدير
وكان اخرته ايه , عفوا اخرة خدمة الغز علقه
صحافه تهاجمه , عقوبات بالجمله لصراحته وعدم مجاملته
قلة ادب من الصغير قبل الكبير
اهانات ما بعدها اهانات , ولن اتحدث عن سلبية الادارة فى حمايته او الدفاع عنه علشان ماحدش يتهمنى باتهامات عجيبه
مش هقول غير حسبى الله ونعم الوكيل
هل يرضى المتمردين و المتذمرين من الساحر وما كان يفعله الان حال الاهلى
هل ارتاح الحاقدين لما يحدث للاهلى , عام كامل انتصارات بلا اداء الا اللهم لك الحمد اداء الكاس بعد انتهاء الموسم وليركز الجميع بعد انتهاء الموسم
كارثه كانت فى انتظارنا بالخروج اما الفريق الليبى من دور ال 16 وياليتها حدثت وكان النتيجه الاطاحه بالبدرى و البحث عن الذات مع مدرب قدير
هل ارتاح كل من كان بنفسه مرض لحال الاهلى الحالى , حال الاهلى الذى بانتعاشه تنتعش الكره المصريه
حال الاهلى الذى هو تاريخ الكره المصريه كلها
الكوره من غير الاهلى مفيش كوره فى مصر
تاريخ مصر كله وقت انتعاش الاهلى
افريقيا 86 الجيل الذهبى للاهلى
كاس عالم 90 حسام وابراهيم و هانى رمزى و شوبير واسامه عرابى نصف قوام فريق اهلى
كاس امم 2006 ومش هحكى كله عارف
كاس امم 2008 ومش هحكى كله عارف
كاس امم 2010 ومش هحكى كله عارف
ومش هحكى واقول وقتما كان المنتخب بدون اهلى ما كان حال المنتخب
هل ارتاح الحاقدون من الاعلام و غيرهم لرحيل الساحر
كان معاه نجوم جاهزين , ماذا فعل غيره بالجاهزين ؟؟؟
كلام فى كلام انقصو فيه من قيمته , فعفوا الناجح له الف حاقد
الله يرحم ايامك يا ساحر
وحسبى الله ونعم الوكيل
كلماتى لا تعنى اهانة البدرى , ليس ذنب البدرى بان وضعته الادارة فى مكان غير مكانه , فرصه وجتله وربنا يباركله فى رزقه
ولا تعنى اننى ساصفق له ان نجح و اصبح مديرا فنيا , معذرة فهو يتعلم التدريب فى صرح كل سبل النجاح متوفره له فيها , صبر و استقرار وتحمل اخطاء , ومش هزعل لو نجح , هكون مبسوط اوى ليه , بس ياريت بعيد عننا
المسؤل على ما يحدث هى الادارة لاستغناءها عن الساحر فى حالة عدم وجود بدليل ليه
كما وافقت الرؤيه الفنيه بالاستغناء عن جلبرتو وعدم وجود بديل ليه
فى لجنة كوره كبار و عظماء كره
انا لست معارضا للإداره محدش مابيغلطش , كله بيغلط , بس كفايه العمليه بتوسع
ويارب يتعدل الحال
تحياتى للساحر -
وتحياتى الى من فقدوا الامل فى الوصول الينا فبحثوا تدميرنا
تحياتى الى اعلام مصر الفاسد دنيا المصطبه و اين هم و اراءهم الان بعد ما يحدث
كلامى مش يأس ولكنه غيظ من رؤيه كانت واضحه , وتتجسد الان   | |
|
الرئيسية 
مجله زعفان 
أحدث الصور 
التسجيل 
دخول