أى كلام .......

عدد المساهمات : 166 تاريخ التسجيل : 18/06/2011

نعم أى كلام

ان تمتلك قوام منتخب فى فريق محلى ويديره مدير كره سابق واقصى طموحاته من امكانياته ان يكون مدرب عام فهو اى كلام

ان تشترى منتخب كامل ولا يكون لديك القدره على شراء مدير فنى محترم و له اسمه فهو أى كلام

ان تكون لديك الرغبه فى شراء مهاجم اجنبى وتقوم باستبداله بباك شمال انت فى امس الحاجه اليه ,فهو أى كلام

ان تقوم بعرض جلبرتو للبيع , وتبقى على فرانسيس و امير سعيود ولم يشارك اى منهم فهو اى كلام " ويارب سعيود ما يشارك"

ان تقوم بالاستغناء عن جلبرتو من اجل عيون اللبنانى غدار الذى لا يعلم عن الكره اى شيء سوى انها مستديره فهو الاى كلام " من امتى لبنان فيها كوره مع كامل احترامى للبنان"

ان يكون لديك جدو هداف الدقائق الاخيره و تقوم باستبداله فى الدقائق الاخيره , والابقاء على ناشئين فهو الاى كلام

ان يكون لديك الخبره ولا يملاء عينيك سوى الناشئين فهو الاى كلام

ان تصل الى كاس العالم للانديه وتحصد كل بطولات التى تشارك فيها و يكون مدربك عالميا كالساحر و يصل بك الحال ان يكون مديرك الفنى الحالى مدرب عام او مدير كره فهو الاى اى كلاااااام

ان تكون نادى المبادىء الذى عاقب العديد من الناشئين و الاعبين على مظهرهم ويكون لديك لاعب بشعر محمد طلعت " حد يقولى انه راجل " فهو الاى كلام

ان تكون ادارتك هى ادارة النادى الاهلى التى لم يفصل بينها وبين جمهورها اى شيء اى كان , ويكون حالها هو الحال الاتى , فهو الاى كلام

ان ارى ما رايت من مدرجات خاويه عقوبه لنادى الاهلى منا اجل معاقبة ادارته على سلبيتها تجاه جمهورها , فهو الاى كلام

سيبو الدرجة التالته فاضيه عرفوهم ان ده مكانكم وهيبقى فاضى , انما كل الاستاد يبقى فاضى كده , صعب اوى

اليوم لا كان الاهلى بيلعب فريق بلا مدرب ولن اظلم الاعبين , معهم مدير فنى ممثل , كل دوره الحرص على الكاميرات التى تتربص به , ردود افعاله شكله ,

مشاهد مثله مثلنا تماما , بل رؤيتنا الفنيه اعلى منه بكثير

الاهلى بلا جمله واحده
الاهلى بلا اداء تكتيكى
الاهلى و تغييراته روتينيه
الاهلى عاد للخلف سنييييييييين كتييييره اوى

ده الاهلى , ده الاهلى

اللى كان بيهاجم من 4 جبهات , النص و الطرفين و الباكات من النحاس

ده الاهلى

اللى كان يحصل تغيير بسبع تغييرات , بقت تغييراته روتينيه , يسحب باك ينزل باك مكانه , يسحب بلاى ميكر ينزل بلاى ميكر مكانه , يسحب فرود ينزل فرود مكانه

ده الاهلى

ده الاهلى اللى كلنا عطشانين ومتشوقين لكاس افريقيا , علشان كاس العالم فى ابو ظبى

ده الاهلى اللى مستنين منه الدورى باكتساح معانا فريق كامل

ده الاهلى اللى مش مستنين منه مكسب على قد ما مستنين منه اداء يهد جبال

حراااام والله ان حسام البدرى يبقى مدير فنى حرااااااام

ذنبنا ايه بعد ما وصلنا للعالميه , يبقى فى مدرب يتعلم تدريب فينا

حرااام حراااام

تغييرات ساذجه و رؤيه فنيه ضايعه , مدرب يبحث عن ذاته فى نادينا , ذنبنا ايه

و عفوا لن انسى ما رأيته اليوم , الاهلى اليوم كان من غير بنزين

الجمهوووووووووووور

التالته شمال اللى بتهز جبال وباعلى الصوت بتشجع ابطااااااااال

منظر ولا اسوء , اشترك فيه كل من الادارة و الالتراس

الادارة بسلبيتها و الالتراس باعتراضه و حمايته لنفسه

و الاهلى الكيان من يدفع الثمن

فعلا فرق تسد , فرق تهدم , والاهلى الكيان " ادارة + لاعبين + حمهور " , اصبح ادارة وحدها فى موال و لاعبين فى موال وجمهور فى موال

ليس لى راى فيما يحدث بين الادارة و الالتراس , بصراحه انا مؤيد جداا الالتراس , ولكن قلبى على الاهلى موجوووووووع

الاهلى بدون مدرب
الاهلى بدون بنزين "جمهور"
والاداره فى صمت استراتيجى
الاهلى فى طريق انه ما يبقاش اهلى , افريقيا يا اهلى , الدورى يا اهلى , الكاس يا اهلى

اعلم ان الكل سينظر الى كلماتى بانها مبالغ فيها , ولكننا لسنا غيرنا

لن ادفن رأسى فى التراب , صفقنا وقت النصر ولابد لنا من الحساب وقت الخذل

معانا منتخب يا عالم , فين الاداء , فين الخطه , فين الفريق

معانا العميد و الغالى

معانا الصخره وائل و ابن الاسد اكرامى

معانا المقاتل فتحى و ابن عبد الفضيل

معانا الزئبقى و الجنرال ابو تريكه وهداف افريقيا جدوو

مش هتكلم عن خبرة عاشور ولا احمد السيد و هعتبرهم استثناء

فين الاهلى ؟؟؟

ربنا يستر أى كلام ....... N24613534860_710239_2632

أى كلام ....... N24613534860_710239_2632