3 افتقدهم ..

عدد المساهمات : 136 تاريخ التسجيل : 18/06/2011

ليه حاسس بالضيق رغم الفوز ؟
ليه حاسس اننا مش هنقدر .. رغم المكسب ..
هل للاداء العصبى ..؟
هل للنتيجه الغير مرضيه ؟
هل لقرب تحقيق نتيجه مقبوله نوعا ثم ضياعها

ليه اخد الامل انى ااقدر اكمل
وبعدين تيجى اداره البدرى للمباراه وتحرمنى من دا ؟؟؟؟
ليه الاعيبه دى ميتكللش مجهودها بالبطوله
وهى اجدر فرق البطوله بلقبها
خاصه وان فريق الشبيبه اللى كان لا يقهر
شال انهارده 3 من مازيمبى اذن هو مش منيع ولا حاجه
احنا اللى اسائنا التعامل معاهم مش اكتر

الترجى قوى
اااااااه .. بس انا واثق اننا لو بأداره فنيه غير الموجوده
كنا فوقناهم بمراحل ..
كأدوات احنا اعلى
لكن كشغل فى الملعب
للاسف هما بيتم توظيفهم صح ..
احنا لا
ليه ... ؟
لاننا حتى واحنا فملعبنا ......... خايفين منهم !!!!!!
ودى مكناش بنعملها قبل كدا
حتى واحنا بره !!!!
واسألوا استاد رادس فتونس سنه 2006

ولا استاد القطن الكاميرونى 2008
3 افتقدهم .. Uiuo1eo1

عموما يا جماعه
بعد الفوز الضيعف 2 \ 1
انا تقريبا فقدت الامل
كان نفسى والله اكون متفائل
والله بجد
كان نفسى ااقول لنفسى لا
ممكن
ممكن هناك نحقق نتيجه ايجابيه
بس مش قادر
هبقى بضحك على نفسى
هبقى مش واقعى
هبقى خيالى شويه
وانا متعودتش اكون كدا

جايز نتيجتنا دى افضل من نتيجه نهائى 2006
اللى انتهت بتعادل ايجابى 1 \ 1
طبعا افضل
بس برضه للاسف
مين ان احنا دلوقتى زى 2006 ؟؟؟؟؟؟؟؟
احنا كنا فـ 2006 لينا شكل غير دلوقتى تماما ...!!!!

انا شخصيا كان ممكن افكر فى تخطى الترجى
كان ممكن اقول نقدر نعوض
او نقدر نعدل النتيجه
بس لما يبقى انت فزيمبابوى اتغلبت ..
فليبيا اتغلبت ..
فالجزائر اتغلبت ..
ومن فرق ااقل من الترجى
ممكن افهم ايه اللى ممكن يخلى فيه تغير يحصل ؟؟؟
ايه هيا الاحتمالات اننا نخلف قاعده الهزيمه الخارجيه اللى ماشيين عليها من اول البطوله دى ؟؟؟

كنت اتمنى افكر فى البطوله من القاهره
لكن للاسف البدرى ورفاقه
حطموا اخر امل كان ممكن
اللهم الا اذا معجزه من عند ربنا
تيجى بقى فشكل قلشه غلط وجون
ضربه جزاء وجون
حاجه كدا
انما للاسف معندناش حاليا الادوات اللى تعدل النتيجه
واللى كانت موجوده فـ 2006
سنتها كان معانا اللى نقدر بيه نقلب اى ماتش مهما كان
ايامها كان فيه اللى يقدر يسند الفرقه
فيه الادوات اللى تخلينا نقدر نتمنى نتيجه ايجابيه
حتى لو صعبه
حتى لو مستحيله
انما عملناها ايامها
للاننا كنا الافضل
الادوات دى .. للاسف مش موجوده حاليا
او مش موجود اللى يأدى مكانها
افتكروهم كويس
عشان هتعرفوا اد ايه فرقوا مع الفرقه
واد ايه كانوا ممكن يغيروا نتيجه ماتش

بجد .. مفتقدكم ..
الاهلى كبير
الاهلى اكبر من اى لاعب او مدرب
وعشان كدا
الاهلى يستحق ان اللى يمثله
يكون اده
وعشان كدا مفتقدكم

ربنا اعلم بأننا بنحب النادى
واننا بنشجع كيان الاهلى وليس افراده
وعشان كدا انا زعلان على العروض الحاليه
حتى لو كانت اتحسنت عن زى قبل
فدا مش مبرر
دا عذر اقبح من ذنب
انت الاهلى
يبقى انت كبير ..
انت الاهلى
يبقى انت تخوف اى فريق قصادك
والناس اللى فوق دى
كانت الوحيييييييييييده اللى ممكن تديك امل فمباراه العوده

عموما
وراك يا اهلى ..
وراك يا زعيم

__________________