.....(حوار مع الابطال ).......

اسمك وسنك ومؤهلك
محمد زعفان
19 سنه
طالب ازهرى

اجب عن سلسلة ماذا لو !!!
=========

1- ان لم تكن اهلاوي
كنت هندم كتير اني مش اهلاوي واكيد هحول اهلاوي
2- ان كنت زملكاوي
ربنا يكون في عوني بقه هههههه

لا صعبه لاني من جدي واخد اهلاويتي
جدي ووالدي وخالي وعمي وجوز خالتي وصاحب والدي
كنت بتفرج معاهم علي الماتشات وانا صغير
3- ان كنت مشرف في منتدي الزمالك
اتشرف اني اكون مشرف في اي قسم اخر
بس كنت مش هخلي غلطه واحده او شتيمه او استفزازات
4- ان كنت مشرف في الاهلي بلا مجهود
هقدم استقالتي وعملتها بالفعل
في قسم اخر كنت مشرف عليه
كان نايم مع اني كنت شغال فيه من نار بس لوحدي
فطلبت اغلاق القسم تمام وتم
5- ان كان عماد عطية فظ غليظ بالمعني الكامل لها

مكناش هنقعد في مكان واحد
طب اقولك اوا معرفتي بيك افتكرتك كده مش للدرجه
بس افتكرتك ناشف
كنت في مسابقه وفيها استفتاء
واحدي الاعضاء في الماسنجر عملي موضوع لتجميع الاصوات
وانقذوا اخوكم الاهلاوي
وانت جيت قفلت الموضوع
وقولت لو يستحقها يبقي يكسب لكننا مش هنصوت لحد

اجب عن سلسلة هل !!!
=======

1- هل انت طيب ؟ ولية بتقول علي نفسك كدة ؟
بيقولوا اني طيب وحنين
انت ايه رايك
2- هل تحب الهدوء ولا الدوشة ولية ؟
علي حسب الحاله المزاجيه
اوقات بحب الهدوء يااااه بلليل خصوصا
واوقات ببقي عايز هيصه
الهيصه لما بكون مضايق وعايز افك
الهدوء لما بكون مخنوق وعايز افكر
3- هل تحب الاهلي اكثر ولا في حاجة اكثر ومين ياتري ؟
اكيد في حد اكتر من الاهلي
بس الاهلي جزء لا يتجزء من حياتي
4- هل انت تحب لعب الكرة ولا تشاهدها فقط ؟
بحبها جدا جدا
وبحب العبها
بس مش بلعبها عشان ظروف
5- هل لما تتعب تنام ولا تدخل نت ولا العكس ؟
علي حسب التعب
لو تعب جسدي انام طبعا
لو نفسيا اخش نت او اخرج مع حد من صحابي

الاسئلة الاعتيادية
============

- منتدي الاهلي ماذا يمثل لك
حاليا بيتي الاول
- منتدي الديفيدي عموما واكتر قسم بتدخلة
بقه ممل وكله مشاكل
بس احلي الاقسام
الاهلي
ساحه الابداع الفني
نادي المسلسلات الاجنبي
الرسائل الخاصه

- قولنا احسن اصحاب ليك داخل منتدي الاهلي بدون نفاق ولا مجاملة وقول كلمة بجوار كل اسم
يااااااااااه ده حوار طويل
طب ابتدي باول واحد عرفته من هنا
عبد الله المعلاوي
بجد طيب جدا جدا ودمه خفيف احسن واحد يتقفش
بنخلي اي حد نعرفه يقفشه (ياسر/ محمود الزمالكاوي / خالد / اشرف / المقطم / زيكوه / وغيره وغيره) بس بجد صاحبي وحبيبي وبيالف كتير

احمد ابراهيم
من اهدي الناس اللي شوفتها بحبه من اول مره شوفته فيها (بطلب ايدك اهوه)
جدع اوي ودمه خفيف جدا واهلاوي شيك
مشفتوش متعصب قبل كده علي الطبيعه
رايحين ماتش انبي سوا باذن الله

عمرو روك شوفته في عقر داره
عكس المنتدي خالص هادي وخجول ومنطوي زي سمسم بتاع كده رضا
هشوفه في تجمع الماتش الزمالك

محمد كذا ميزه حضرت معاه ماتش الاتحاد الليبي وكان وشنا حلو علي بعض
وكان يوم ميتنسيش بجد

- عرضوا عليك تشجع الاهلي مقابل مليون جنية لكن بشرط تكون في مدرجات الدرجة الثالثة يمين والماتش مع الزمالك

هروح وانام في المدرجات ومش هتفرج
وااخد المليون ولما اروح اتفرج
او هاتخد المليون واجري علي اقرب ظابط بيامن التالته يمين واقف جنبه

- مين احسن واحد بيغلبك في الpes واية اكبر نتيجة
ها ها ها ها لسه متخلقش اللي يعمل عليا سكور عالي
واللي بيغلبني ماتش عادي بياخد قادمه 3
بس بحب الاعب حد لعيب يعني فاهم بيعمل خطه وبيشكل
مبحبيش المبتدئين اواللي مبيعرفوش يلعبوا او اللي لسه بيتعلموا اي هبل

الاسئلة الرياضية
=======

- بتحب مين بعد الاهلي في مصر ؟ ولية
في مصر الاهلي وبس ومفيش غيره
- افضل مدرب في الدوري
جوزيه طبعا
- افضل لاعب ناشيئ
اسلام رمضان بتاع الحرس نفسي نجيبه الاهلي
- افضل حكم
هههههه كولينا الايطالي
- افضل لاعب
هو في زي بركات
- افضل جمهور
بتوع تالته شمال اللي بيهزوا جبال اللي جايين بيشجعوا الابطال
- النادي الاوربي المحبب ليك
بالترتيب
حاليا
ريال مدريد
مانشستر يونايتيد
انتر ميلان
ليفربول

سابقا
مانشستر يونايتيد
ريال مدريد

اسئلة خفيفة
======


بتفطر اية الصبح ؟
مش بفطر اول اكله ليا الساعه 3 هههه

بتخرج تروح فين اوقات الراحة
بجيب ايس كريم من العبد وارجع

بتحب تروح الاستاد وتقعد في النصف انت عارف من هنا بتشوف الملعب احسن
ولا بتحب تقعد في الثالثة ؟ انا عن نفسي مرة قعدت تحت الساعة ماتش مصر وتونس في التصفيات
مشوفتش حاجة نهائي كنت شايف نمل بيجري

مش في كل الماتشات لما بيكون معايا احمد وعبدالله بنقعد في وسط تالته شمال
لما بكون مع ناس تانيه بعد في الجانب
مره قعدت انا كمانتحت الساعه في مصر الجزائر الاخير 2/0كان يوم عالمي



اتمني الاستمتاع بالحوار
والي اللقاء في ضيف جديد ان شاء الله


__________________




دخولي متقطع لفترة لظروف شخصية