الولايه الثالثه ..

عدد المساهمات : 136 تاريخ التسجيل : 18/06/2011

اتسمت تصريحات جوزيه الاولى منذ بدايه ولايته الثالثه بالفريق بالمنطقيه
وكانت معظم ارائه واقعيه وطموحه على حد سواء
وكانت وقائع المؤتمر الصحفى الذى تلى تمرين الفريق الصباحى اليوم هيا محور الحديث
للوسط الرياضى كله

•"هدفي زيادة عدد مشجعي الأهلي بالفوز بكل البطولات التي سنشارك فيها وبناء فريق للمستقبل".

سيبك انت بس يا جنرال من حته زياده مشجعى الاهلى
هما كتير وبيزيدوا والحمد لله
احنا شعبيتنا ولله الحمد السابعه على مستوى العالم
ربنا يزيد ويبارك ...
ركزلنا والنبى انت بس على حته الفوز بكل البطولات دى
ثق ان لو اىىىىىىىى حد تانى كان قالها والله ما كنت صدقته
انما مش عارف ليه مش مستغربها لما بسمعها منك !!!!

•"دعم لاعبي الأهلي مطلوب حتى يعود منتخب مصر للانتصارات، ولا امتلك لاعبين عواجيز".

قد يكون معندكش لاعبين عواجيز
لكن عندك مراكز محتاجه بدلاء
وابعد عن خط النص خاااااااااااااااالص
مش ضد تريكه واحمد حسن وجمعه ومعوض وبركات
دول نجوم الفريق وكبار المكان ولا غنى عن دورهم

بس لازم نوجد البديل ليهم تمهيدا للاعتماد عليهم مستقبلا ..
عشان كدا .. خد بالك

•"تاريخ عودتي هو 6-1 ورقم غرفتي في الفندق بالدور الـ16 ربما تكون صدفة ولكنها تجعلني متفائل".

انت متفائل
اخوانا اياهم بيموتوا من التشاؤم حاليا
بلاش الرقم دا ... بلاش الرقم دا
ثق ان كل اللى يعرف كوره يعرف ان انت ليك فكر ونظام للفريق
دا بس الى يقلق اى فريق يقابلك
لكن التشاؤم والتفاؤل دا ........... دا حاجه بينا احنا الجمهور وبعضه
سيبلنا احنا الحته نقوم بيها عنك

•"مرحبا بالمنافسة مع حسام حسن وشقيقه".

ياريت الشعور يبقى متبادل !!!!!!!!!!!!

•"هدفي تعويض فارق النقاط مع الزمالك، ومازال أمامنا الدور الثاني بأكمله لنرى ماذا سيحدث فيه".

لو الامور مشيت صح زى ما انا متوقع من هجوم عليك وعلى اسلوبك

من مجاملات من الاعلام للمنافس
وخوف الاتحاد من الصوت العالى
والاعتراضات والتصريحات وما اكثرها ولله الحمد منهم

و و و و و ....
اعتقد اننا ممكن نكسب الدورى بصعوبه ...
فرق 5 نقط ع اقرب منافس لينا !!!!!!!!!!

•"الصحفيون الزملكاوية بدأو في طرح الأسئلة، يبدو أنهم قلقون من عودتي".

الولايه الثالثه .. Dec2_conf_6

امال يا كبير .........
انت ربنا لا يوريك الحال هناك دلوقتى شكله ايه ؟
ثق انك مش هتسلم من الصحافه اللى بالشكل دا
من هجوم عليك لاى سبب كان
ان شالله حتى لون الشراب !!!!!!!!

•"الروح المعنوية للاعبي الأهلي منخفضة بشدة".

دورك بقى ...
انت هنا عشان تفوق الاسد النايم
احنا الصوت على اوى .. واحنا عايزين العالم تبطل كلام
خليها تتفرج بس
انت عارف روح لاعيبه الاهلى
وعارف اننا ممكن نكهرب العالم دا كله
لو حطينا هدف قصادنا
وانت بسم الله ما شاء الله السبب فوجود جيل لا يعرف تقبل المستوى السئ دا فينا
استحمل بقى يا حلو .. كمل شغلك

•"خالد مرتجى كان يهاتفني 15 مرة في اليوم لإقناعي بالعودة".

الولايه الثالثه .. %D8%AE%D8%A7%D9%84%D8%AF%20%D9%85%D8%B1%D8%AA%D8%AC%D9%89

الولايه الثالثه .. %D8%AE%D8%A7%D9%84%D8%AF%20%D9%85%D8%B1%D8%AA%D8%AC%D9%89

كل مره يزيد اعجابى بيك يا خالد يا مرتجى
بصراحه ..
الراجل دا حاجه تانيه
برنس .. برنس بجد
واجهه مشرفه للاداره الاهلى
وانا سعيد اشد السعاده لوجودك فى اداره النادى
وزى ما وجه نظرى فيه صحيحه وفمحلها
الفيفا كمان شاف كدا

وحتى على المستوى الشخصى
بجد شكرا يا باشا

•"لست في حاجة للتعاقد مع عبد الله السعيد وحسني عبد ربه ووليد سليمان".

معاك نجوم مكان الاعيبه دى يا جنرال
تقدر تشغل الفرقه بدون الحاجه ليهم
فـ عبد الله السعيد وحسني عبد ربه تقدر تعتبرهم فى عداد المفقـ .... اااه قصدى المنسيين يعنى
خرجهم بره حساباتك
ووليد سليمان لاعبى مزاجى اوى
لا يصلح الا لفرقه النجم الواحد
اللى الفرقه كلها تلعب عليه
غير كدا

مش محتاجه الفريق
وبعدين الراجل لسه ماضى عقد البترول قريب
صعب يمشى دلوقتى

•أمتلك ثلاثة حراس مرمى ولست في حاجة لستة، واحد منهم في الملعب والأخر على الدكة والثالث في منزله".

يا باشا كلم احمد ناجى ابوس ايده يشدلنا على واحد يخليلنا واحد فيهم يبقى سد فى الجون
واحنا راضيين ان شالله تقعّد الباقى فى المدرجات حتى
انما من ساعه هروب الحضرى والاهلى يلعب بعشره لاعبيه وجون فاضى .. !!!!!!!!!

•"ساعتمد على الطريقة التي تحقق لي الفوز سواء كانت 3-5-2 أو 4-4-2".

حـــــــــــــــقك !!!!!!!
اعمل مااااااااااااااا بدالك .. اكسب بس وحط رجلك فوش اللى يكلمك
مفيش عرف يجبر المدرب على اللعب بأسلوب معين والا يبقى مدرب تعبان !!!
والا لو كدا
نلغى بقى اى طريقه لعب تانيه .. ثم

الجمهور ليه المتعه و البطولات
الاعيبه ليها الاداء و سهوله التطيبق
الاداره ليها النجاح والاستقرار
انت ليك المكسب

مين محتاج طريقه معينه ؟؟؟؟؟

•"لا مشاكل بيني وبين محمد شوقي صديقي، وسألته خلال التدريب أين شوقي بتاع زمان؟".
"شوقي لم يشارك سوى في مباراتين فهل أنا الملام على ذلك؟ وهو من طلب الرحيل في المرة الأولى".

اضافه ..
شوقى بجد اضافه
بس لو يرجع لمستواه
هو نفسه قبل اىىىى حد لازم يستوعب دا
ولازم يعرف انه مش هيلعب غير لما يثبت دا
وانا بصراحه مستخسر رحيله لو اقدم على الخطوه دى
وعشان كدا
اتمنى بصوره شخصيه انك تنجح يا جنرال فى استعادته مره تانيه ..

•"الزمالك بذل مجهودا جبارا لاستعادة مستواه بعد ست سنوات عجاف، ولكنه لم يتوج بشئ بعد، وسنحاول الفوز بكل البطولات ليعيش الزمالك ست سنوات عجاف أخرى".

قول بس انت يارب ..
ان كان علينا احنا معندناش مانع
خلى بالك
فيه صحفى "مش" معروف
مترصدلك
حكم اخينا دا مغلول من بطولاتك اوى
ومغلول من نجاحك اوى اوى
وحياتك يا شيخ ............... غلّه كمان !!

•"لم أفشل مع أنجولا واتحاد جدة".

رأى شخصى
انت مكنتش موفقك فى اختياراتك
انجولا فريق ضعيف غير طموح
مهما بذلت معاه
مش هتقدر تعمل حاجه
انت محتاج مقومات للفرقه اللى تمسكها اهمها الطموح و القدره على الفوز
وانجولا لا فيها دى ولا دى
وعشان كدا كنت متوقع بالظظظظظظظظبط اللى حصل
وحتى لو كنت كملت
كان هيبقى اقصى طموحات المنتخب التعبان دا
الرابع !!!!

اتحاد جده الوضع اختلف
انت خدت فريق بطل
لكن للاسف .. بطل مش ذكى
هناك لازم تمشى بمزاجهم
زى ما هما عايزيين
وانت مش كدا
وعشان كدا انت رجعت
لازم تعمل زى ما هما هيقولوا
راضى لى نايف هزازى
دلع لى محمد نور دلع ....
امشى على هواهم وسايسهم يعنى

وانت مش بتاع الكلام دا

انت راجل مدير فنى
تقول الكلمه للاعيبه تسمعها وتنفذها
الحساب يبقى من الاداره
هناك لا
يخافوا على كراسيهم ..
ولما تطلع جريده وطنيه تقول :
" ونجحت مؤامره لاعبى الاتحاد للاطاحه بجوزيه! "

يبقى انت غلطت لما وافقت على تدريب مجموعه من اصحاب المزاج
مع احترامى لتاريخهم انما الحق ميزعلش ..

•"حققت أقصى ما يمكن تحقيقه مع أنجولا، ولاعبو اتحاد جدة لم يكن ليفوزوا بالدوري السعودي".

فعلا ..
دا اخر انجولا ..
وطبعا اتحاد جده

لاعيبه تبقى كسبانه 2 وتتعادل ...
كسبانه 3 وتتعادل ..
انه دورى دا اللى يفكروا فيه ؟؟؟؟؟؟؟؟؟؟!!!!!!!

•"كيف أكون فاشلا مع اتحاد جدة وأنا لم أخسر مباراة واحدة مع الفريق".

يمكن عشان اقالوك عشان مخسرتش ؟؟؟؟!!!!!!!!

??I Wanna Play a GAME

Let The Game Begin ...

__________________